بلاش حوار يابختهم ومبروك عليهم الاستشهاد كفاية الكلام ده مستفز جدا

بلاش حوار يابختهم ومبروك عليهم الاستشهاد كفاية الكلام ده مستفز جدا ، يابختهم فى ايه ومبروك على ايه ، انتم شوفتوا احساسهم وهما بيموتوا اكيد ماكانوش بيضحكوا ومبسوطين ربنا ما يكتبها على حد لما ام او اب يحضنوا أولادهم علشان يفدوهم من الموت ، احساس يموت لوحده أو لما يشوفوا طفلهم مات قدامهم ولا لحظة رعب قدام طفل حد بيقتل فى اللى حواليه وهو بيصرخ ، كل ديه احاسيس تموت ، وتلاقى فى الاخر ناس تكتبلك تحت صور زى كده يابختهم ياريتنا كنا معاهم ، مبروك عليكم اكليل الاستشهاد 
لا حضرتك انت فاهم الاستشهاد ده غلط تقول كده لما يكون فى استشهاد وهما راحيين يقدموا نفسهم للاستشهاد فى ثقة وايمان ميتهزش ساعتها قول يابختهم لأنهم هما اللى اختاروا الاستشهاد ، لكن الناس ديه مجبورة كانوا رايحين رحلة يصلوا ويتباركوا و ناس طلعت هاجمت عليهم جوا عربيتهم وهما لا حول ولا قوة غير انهم يقولوا يارب ويصرخولوا . ربنا خلق فينا نسمة حياة واننا نعيش الحياة ووقت ما وقتنا يخلص باى طريقة مترتبلنا هنسافرلوا ربنا يعزى ويقوى يصبر كل اسرة فقدت حد ليها فى المأساة ديه 
( مغاغة طريق الموت مسكن للإرهابيين )
#شهداء_رحلة_٢_دير_الانبا_صموئيل 
#سيظل_السنسكار_مفتوح

..